Umferðaröryggi

 Það er ljóst að því hraðar sem ökutæki er ekið þeim mun meiri líkur eru á að illa fari ef árekstur eða annað umferðaróhapp á sér stað. Hraðinn getur skipt sköpum jafnvel þó að ekki sé nema um lítilsháttar aukningu frá leyfðum hámarkshraða að ræða. Hraðinn hefur áhrif á alvarleika óhapps hvort sem of hraður akstur miðað við aðstæður er meginorsök eða ekki. Oftar en ekki ræður hann úrslitum um hvort af hlýst minniháttar óhapp eða óhapp með meiðslum á fólki eða jafnvel banaslys.

Margir virðast ekki gera sér grein fyrir því hvaða máli hraðinn skiptir þegar umferðaröryggi er annars vegar. Eftir því sem hraðinn er meiri þeim mun lengri verður hemlunarvegalengdin. Þar með aukast líkurnar á að ökumaður nái ekki að hemla í tæka tíð ef eitthvað óvænt kemur upp á. Ökumaður hefur enn fremur minni tíma og ráðrúm til að bregðast við hættum eftir því sem hraðinn er meiri.

Síðast en ekki síst verður höggþungi meiri við árekstur eftir því sem ökutækið fer hraðar sem síðan eykur til muna líkurnar á alvarlegum afleiðingum. Við tiltölulega litla hraðaaukningu eykst hætta á að slys eigi sér stað.

Hér er hægt að sjá áhrif ökuhraða á hemlunarvegalengd